EMJ-ATCON Greenland A/S tassaavoq nunamit tamarmit nukittuunik sorlalittut, aammalu issittumi pissutsinik atugaqarluni illuliorlunilu sanaartornermik ukiorpassuarni misilittagaqartutut suliffeqarfiutilittut tamakkiisumik suliarinnittartutut suliffiusoq. Suliffik 2013-imi pilersinneqarpoq, tassalu EMJ-ip (1992-imi pilersinneqartup), aamma ATCON-ip (1970-ikkunniilli sorlaqartup) akornanni kattunnerup kingunerisaatut.

Ullumikkut piginnittuusut inuit tallimaapput, sanaartukkat, aningaasaqarnerup, periusissiornerup, sanaartornerup sanaartukkanillu aqutsinerup iluini assigiinngitsunik piginnaasaqartuullutik.

Ullumi Nuummi qullersaqarfeqarpugut, ullunilu atukkani tamani akisussaaffilittut sanaartukkanut – inuit suliaannut – ilalersuuteqartunik suleqatit 70-it missaannik suliffeqartitsivugut.

Akisussaaffilittut sanaartukkat – pitsaassuseq inuit suliaat

Suliniutit qanorluunniit angitigisut, aamma suliffeqarfiutilittut suliassat ilusaat inuinnarnut, aamma pisortaqarfinnit sanaartortitsisunut suliarisarpagut. Kalaallit Nunaanni tamarmi ukiut 50-it sinnerlugit qaangiummatali misilittagaqarnitsigut sanaartugaasunut silap pissusiata, angallassanik aqutsinerit, isumannaatsuutitsinerillu immikkut ittunik piumasaqaatigisaannut iternga tikillugu paasisaqarnernik piliaqarpugut.

Uagutsinnut silap pissusia tassaanngilaq pissusissamisuunngitsunik iliornernut imaluunniit kinguaattornernut utoqqatsissutissaq – tassaavoq atugarisassaq malillugu pilersaarusiorfigisarput. Sukumiisumik piareersaateqarneq, isumannaatsuutitsinerup inissisimaffia qaffasissoq, aammalu unammilligasanik siulittuuteqarsinnaaneq tassaavoq tikitaqartarnitsinnut pissusissamisoortutut ilaasut. Kalaallit Nunaanni sanaartorneq uagutsinnut suliassaaginnanngilaq, tassaavorli inooriaaseq.

Anguniagarput

Sanaartukkanik atuisartunut illunik pitsaassusilinnik sapinngisamik annertunerpaatut silap pissusianut isumannaatsuutitsinermullu najoqqutassanik atugaqarluta sanaartorniarpugut.
Suliniutigut inunnit tulluusimaaruteqartunit, nuannartunit, aamma allanngoriartortitsinermut nukittuunit sanaartugaapput. Tamakku pilersaarusiornermi, suliaqarnermi suleqatiginninnermilu atuupput – suliffiup iluani, soorlulusooq sanaartortitsisut suleqatigisallu peqatigalugit.

Takorluugarput

Takorluugarput tassaavoq Kalaallit Nunaanni sanaartukkanik aqutsinerit, pitsaassutsit, isumannaatsuutitsinerillu iluini siuttuunissaq, aammalu nutaanik sanaartukkat iluarsaassinerillu iluini suliffeqarfiutilittut tamakkiisumik suliaqartartuni piumaneqarnerpaaq.
Tamanna pisussaaffiliivoq – nassataraalu ineriartortitanik, atortussanik nutaanik, periutsinik iluarsiissutinillu nunatsinni pissutsinut siunissamilu piumasaqaatinut naleqqussakkanik suliaqartuarnerput.